Personal na nakiramay at nagbigay-pugay si Police General Rommel Francisco D Marbil, Ama ng Philippine National Police, sa yumaong pulis na si Police Master Sergeant John Manuel Bongcawil at sa mga nagdadalamhating pamilya nito sa Parang, Maguindanao del Norte nito lamang araw ng Martes, ika-3 ng Disyembre 2024.
Nakidalamhati din si Police Brigadier General Romeo J. Macapaz, Regional Director ng Police Regional Office Bangsamoro Autonomous Region, mga opisyal at mga personahe ng PRO BAR.
Si PMSG Bongcawil ay nakatalaga sa Maguindanao del Norte Provincial Intelligence Unit, 36 anyos, may asawa at anak, at nagsilbi ng 13 taon sa serbisyo bilang isang magiting na operetiba ng PRO BAR.
Ipinahayag ni CPNP Marbil ang kanyang pakikiramay sa pamilya ni PMSg Bongcawil at ginawaran ito ng Medalya ng Kadakilaan para sa kanyang tapat na serbisyo at dedikasyon.
Ipinangako naman ni PBGen Macapaz, ang patuloy na suporta ng rehiyon sa pamilyang naulila at tiniyak na makakamit ang hustisya para sa yumaong pulis.
Samantala, patuloy pa rin ang imbestigasyon ukol sa insidente, at tinitiyak ng mga awtoridad na patuloy ang kanilang pagsusumikap upang matukoy ang mga suspek sa likod ng insidente at managot sa batas.
Panulat ni Patrolwoman Veronica Laggui
