Tuguegarao City, Cagayan (February 18, 2022) – Nilagdaan ng Cagayan Police Provincial Office (PPO) at Cagayan Valley Medical Center (CVMC) ang isang Memorandum of Agreement (MOA) para sa pagpapanatili at pagdagdag ng dugo sa bloodbank sa City Mall Commercial Center, Pengue-Ruyu, Tuguegarao City, Cagayan noong Pebrero 18, 2022.
Napapaloob sa pinirmahang MOA na ang dugong makokolekta sa mga isinasagawang Bloodletting Activities ng mga kapulisan sa probinsya ng Cagayan ay didiretso sa CVMC Bloodbank upang mapalitan ang mga dugong nagamit ng mga pasyenteng nangangailangan.
Nakasaad din dito na ang mga Cagayano Cops, kanilang mga dependents, at iba pang bumubuo sa organisasyon na may pahintulot ng Cagayan PPO at CVMC Bloodbank ay may nakaantabay na dugo para sa major surgeries at medical emergencies.
Kasabay ng aktibidad ay isinagawa din ang 1st Quarter Dugong Magiting Bloodletting Activity na pinangunahan ni Police Colonel Renell R. Sabaldica, Provincial Director ng Cagayan PPO bilang pagdiriwang ng kanyang ika-49th na kaarawan.
Ayon kay PCol Sabaldica, ang pagdonate ng dugo ay ginagawa niya taon-taon bilang paggunita sa kanyang kaarawan upang makapagbahagi ng kanyang dugo sa mga taong lubos na nangangailangan.
Ang aktibidad ay isinagawa sa ilalim ng liderato ni Police Brigadier General Steve B. Ludan, miyembro ng Kabataan Kontra Droga at Terorismo (KKDAT), at mga pribadong sektor.
At dinaluhan din ito nina Dr. Glenn Matthew G. Baggao, CVMC, Medical Center Chief at Sarajane U. Balisi, Head ng CVMC Bloodbank.
Layunin ng aktibidad na ito na maraming buhay ang masasagip at madudugtungan.
###
Panulat ni PSSg Mary Joy D Reyes, RPCADU2
