Puerto Prinsesa City, Palawan (February 18, 2022) – Isa (1) ang patay nang bumangga ang isang van sa mga puno sa kahabaan ng National Highway, Brgy. Tagburos, Puerto Prinsesa City, Palawan noong Pebrero 18, 2022.
Ayon sa ulat, ang van ay may sakay na walong (8) pasahero na galing umano sa El Nido, Palawan at patungo sa Brgy. Tagburos, Puerto Princesa City. Nawalan umano ng kontrol ang driver sa pagmamaneho kung kaya’t dumiretso ang naturang van sa masukal na lugar at bumangga sa mga puno dahilan upang mawasak ang unahang bahagi ng sasakyan.
Naisugod naman agad sa pagamutan ang mga pasahero ngunit isa (1) ay idineklarang patay na.
Inaalam pa ang pagkakilanlan ng mga pasahero samantala kinilala naman ang driver ng van na si Estrael Ubay.
Kaugnay nito, patuloy ang pag-iimbestiga ng mga kapulisan sa nangyaring aksidente upang maiwasan ang parehong pangyayari.
?Bfp
|| Via: Kim balontong-Thunder news Philippines
###
Panulat ni Patrolman Jorge Michael C Bardiago
