Tinatayang Php374,000 halaga ng hinihinalang shabu ang nasamsam mula sa isang High Value Drug Personality sa isang buy-bust operation na isinagawa sa Purok BGR Casa Rosa, Doña Rosa, Barangay Central, Mati City noong Nobyembre 30, 2024.
Ayon kay Police Major Al Anthony I. Gumban, Officer-In-Charge ng Mati City Police Station, ang suspek na si alyas “Arki,” 49 anyos at residente ng Purok Riverside, Barangay Central.
Narekober naman mula sa suspek ang tinatayang 55 gramo ng shabu at isang .38 na kalibreng pistol na may limang bala.
Kasong paglabag sa Republic Act 9165 (Comprehensive Dangerous Drugs Act of 2002) at Republic Act 10591 (Comprehensive Firearms and Ammunition Regulation Act) ang kakaharapin ng suspek.
Patuloy ang mga operasyon ng Police Regional Office 11 upang tiyakin na ang mga lumalabag sa batas ay pananagutin at maparusahan at upang mapalakas ang tiwala ng publiko sa mga awtoridad at mapabuti ang seguridad sa rehiyon.
Panulat ni Pat Shairra Rose A Aquino
