Sa kulungan ang bagsak ng isang Street Level Individual matapos mahulihan ng ilang pakete ng hinihinalang shabu sa Barangay Kalawag, Isulan, Sultan Kudarat noong ika-29 ng Nobyembre 2024.
Kinilala ni Police Lieutenant Colonel Julius R Malcontento, Chief of Police ng Isulan Municipal Police Station, ang suspek na si alyas “Tata”, 40 anyos na residente ng naturang lugar.
Bandang 12:50 ng madaling araw nang ikinasa ang nasabing operasyon na nagresulta sa pagkaaresto ng suspek at pagkasabat ng limang maliliit na plastic sachets ng hinihinalang shabu, at buy-bust money.
Ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang Isulan PNP ay patuloy sa pagpapaigting ng kampanya kontra ilegal na droga. Ito ay alinsunod sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Panulat ni Pat Emelou Pedroso
