Nagsagawa ng Community Outreach Program ang Mariveles PNP para sa mga mag-aaral ng San Carlos Day Care Center sa Barangay San Carlos, Mariveles, Bataan nito lamang Miyerkules, ika-27 ng Nobyembre 2024.
Ang nasabing aktibidad ay pinangunahan ni Police Lieutenant Colonel Dennis R Orbista, Chief of Police ng Mariveles Municipal Police Station.
Naghandog ang Mariveles PNP ng libreng pagkain at school supplies sa mga mag-aaral ng nasabing Day Care Center na naghatid ng labis na tuwa at pasasalamat naman ang sukli ng mga bata.
Layunin ng programang ito na maipadama ang malasakit at pagmamahal ng ating Pambansang Pulisya sa ating mamamayan para sa mas maunlad at masaganang Bagong Pilipinas.
Panulat ni Pat Digna Jane T Malubay
