Nakumpiska sa dalawang indibidwal ang mahigit Php1.3 milyong halaga ng shabu sa ikinasang drug buy-bust operation ng mga awtoridad sa Barangay Benitez, Banga, South Cotabato nito lamang ika-27 ng Nobyembre 2024.
Kinilala ni Police Brigadier General Arnold P Ardiente, Officer-In-Charge ng Police Regional Office 12, ang nahuling dalawang suspek na sina alyas “Rico”, 42 anyos, walang asawa at trabaho at itinuturing na High Value Individual at si alyas “Noy”, 53 anyos, may asawa at wala ding trabaho, pawang mga residente ng nasabing lugar.
Naging matagumpay ang operasyon dahil sa pagsisikap ng mga tauhan ng Municipal Drug Enforcement Unit (MDEU) ng Banga MPS, RPDEU 12, RID 12 STT Charlie, RSOG 12, SCPIU, SCPDEU at 2nd SCPMFC kasama ang PDEA 12.
Kumpiskado sa dalawang suspek ang 40 na plastic sachets ng hinihinalang shabu na may bigat na 205 gramo at nagkakahalaga ng Php1,375, 000.
Mahaharap ang dalawang suspek sa kasong paglabag sa Section 5 at Section 11 ng Article 2 ng Republic Act 9165 o “Comprehensive Dangerous Drugs Acts of 2002”.
Ang matagumpay na operasyong ito ay bunga ng pagsisikap ng PNP na masugpo ang bentahan at paggamit ng ilegal na dorga. Hindi titigil ang buong hanay ng kapulisan para makamit ang isang drug-free na rehiyon.
