Nakiisa ang mga Cagayano Cops sa pamumuno ni Police Colonel Mardito G Anguluan sa pagdiriwang ng Drug Abuse Prevention and Control Week 2024 (Interagency Summit) na itinaguyod ng Department of Interior and Local Government, katuwang ang iba pang ahensya ng Pamahalaan noong ika-26 ng Nobyembre 2024.
Nagtipon tipon ang iba’t ibang stakeholder sa aktibidad upang talakayin ang napipintong isyu ng pang-aabuso sa droga na may temang “Pagbibigay-prioridad sa Health-based Approach sa Pag-iwas at Kontrol ng Pang-aabuso sa Droga” na nagbigay-diin sa kahalagahan ng isang multi-agency effort.
Mula sa Cagayan ang summit ay naglalaman ng mga makabuluhang lecture hinggil sa iba’t ibang aspeto ng pang-aabuso sa droga, kabilang ang mga estratehiya sa pag-iwas at mga opsyon sa rehabilitasyon.
Hinihikayat ng mga Cagayano Cops ang lahat na sumali laban sa pang-aabuso sa droga at mag-ambag sa pagtataguyod ng isang hinaharap na walang droga para sa Cagayan at binigyang-diin din ni Police Captain Shiela Joy N Fronda, Chief PIO, ang mahalagang papel ng pakikilahok ng komunidad at ng programa ng Revitalized Pulis sa Barangay (RPSB) kung saan ang RPSB program ay ang pakikipag-ugnayan nang direkta sa mga lokal na komunidad, nagtatayo ng matatag na ugnayan at nag-aalok ng lokal na solusyon upang labanan ang pang-aabuso sa droga sa grassroots level.
Samantala nagtapos ang aktibidad sa pagbibigay ng mga sertipiko sa mga indibidwal at organisasyon na nagkaroon ng mga natatanging kontribusyon laban sa pang-aabuso sa droga. Nanatiling matatag ang mga Cagayano Cops sa kanilang pangako na makipagtulungan sa mga kasamang komunidad upang talakayin ang pang-aabuso sa droga at lumikha ng mas ligtas at mas malusog na kapaligiran para sa lahat.
Source: CPPO
Panulat ni Pat Richelle Ledesma
