Arestado ang isang Provincial Most Wanted Person sa isinagawang manhunt operation ng Binangonan PNP sa Barangay Calumpang, Binangonan, Rizal nito lamang ika-24 ng Nobyembre 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang suspek na si alyas “Refri”, 43 taong gulang, residente ng Binangonan, Rizal.
Naaresto ang suspek bandang 2:30 ng hapon ng mga tauhan ng Binangonan Municipal Police Station sa bisa ng Warrant of Arrest para sa kasong paglabag sa Republic Act 9165 o “Comprehensive Dangerous Drugs Act of 2002”.
Patuloy ang PNP sa operasyon kontra ilegal na droga para mapanatili ang kaayusan at kaligtasan ng komunidad tungo sa Bagong Pilipinas.
Source: Rizal Police Provincial Office
Panulat ni Patrolwoman Angelica Rica S Teng
