Kalaboso ang isang lalaki matapos bumunot ng baril sa naganap na kaguluhan sa Barangay Malegdeg, Senator Ninoy Aquino, Sultan Kudarat noong Nobyembre 25, 2024.
Kinilala ni Police Major Ronalyn P Domider, Chief of Police ng Senator Ninoy Aquino MPS, ang arestadong suspek na si alyas “Layag”, 25 anyos, magsasaka, at residente ng nasabing barangay.
Sa ulat ng Senator Ninoy Aquino PNP, hinuli ng mga opisyal ng barangay ang suspek matapos bunutin ang kanyang baril na isang homemade 5.56 pistol na kargado ng bala matapos magkaroon ng alitan.
Kasong paglabag sa Republic Act 10591 o “Comprehensive Firearms and Ammunition Regulation Act” ang isinampang reklamo laban sa suspek.
Patuloy namang hinihikayat ng Pambansang Pulisya ang mamamayan na patuloy na makipagtulungan sa otoridad upang mahuli at mapanagot ang mga taong lumalabag sa ating saligang batas.
