Aktibong nakiisa ang Cauayan Component City Police Station sa isinagawang Kick Off Ceremony kaugnay sa 18-Day Campaign to End Violence Against Women (VAW) na may temang, “VAW Bigyang Wakas, Ngayon na ang Oras!” na ginanap sa City Hall, Cauayan City, Isabela nito lamang ika-25 ng Nobyembre 2024.
Ang naturang aktibidad ay pinangunahan ni Police Captain Melanie Gumaru, Chief, Admin ng Cauayan Component City Police Station, kasama ang mga miyembro ng Local Government Unit ng Cauayan City at iba pang ahensya ng gobyerno.
Ang 18-Day Campaign to End Violence Against Women (VAW) ay isang taunang pagdiriwang na nagsisimula mula Nobyembre 25 hanggang Disyembre 12 at naglalayong itaas ang kamalayan at mga hakbang sa pagprotekta sa karapatan ng mga kababaihan laban sa lahat ng uri ng karahasan na nakabatay sa kasarian.
Pagkatapos ng aktibidad ay inaasahan na pahalagahan ng mga kalahok ang mga kababaihan hindi lamang ang kanilang mahal sa buhay, bagkus lahat ng kababaihan sa komunidad.
Source: Cauayan Component City Police Station
