Naaresto ang tatlong suspek na Extortionist sa isinagawang entrapment operation ng mga operatiba ng CIDG Laguna Provincial Field Unit sa McDonald’s Fast food Store, Barangay Bulilan Norte, Pila, Laguna noong Nobyembre 22, 2024.
Nag-ugat ang entrapment operation sa reklamo na inihain ng biktima na live-in partner ng suspek na si alyas “Larry” at humihingi ito ng halagang Php150,000, kapalit ng kanyang kaligtasan at nagbanta na magsasampa ng kaso laban sa kanya kapag tumanggi siyang magbayad ng ganung halaga.
Si alyas “Larry” at dalawa pa nitong kasama na suspek ay nagbanta sa biktima na sasaktan nila ito kapag hindi ito sumunod sa kanilang kahilingan. Sa takot para sa kaligtasan ng biktima, humingi siya ng tulong sa CIDG Laguna PFU. Bilang tugon ay nagsagawa ng entrapment operation para madakip ang mga suspek.
Sa pagsasagawa ng entrapment operations ng CIDG Laguna PFU, nakuha sa mga suspek ang dalawang (2) pirasong ng One Thousand Peso Bill, isang (1) cellphone at narekober din ang One Hundred Forty-Eight (148) piraso ng One Thousand Peso Bill (Php1,000.00) na ginamit bilang boodle money.
Dinala sa CIDG Laguna PFU Office ang naarestong suspek at mga nakumpiskang ebidensya para sa dokumentasyon at tamang disposisyon, habang inihahanda ang kasong Robbery Extortion para sa referral at inquest ng suspek sa Prosecutor’s Office.
Mas pinaigting ng kapulisan ang kampanya laban sa kriminalidad at patuloy sa kanilang tungkulin na paglingkuran ang komunidad, pangalagaan ang mga buhay at ari-arian, protektahan ang mga inosente mula sa mga kriminal, at panatilihin ang kapayapaan at kaayusan sa buong lalawigan ng Laguna.
Source: Laguna PPO-PIO
Panulat ni Pat Maria Sarah P Bernales
