Carmona, Cavite (February 17, 2022) – Arestado ang Top 9 Most Wanted Person (National Level) ng Benguet sa pinagsanib pwersa ng Regional Anti-Cybercrime Unit (RAU) Cordillera, Carmona Municipal Police Station (MPS), Provincial Intel Team (PIT) Benguet at ng Regional Intel Unit (RIU)-14 sa Terra Verde Subdivision, Barangay Bancal, Carmona, Cavite kaninang 7:59 ng umaga ng Pebrero 17, 2022.
Kinilala ang suspek na si Nestor E. Concepcion, single, nasa wastong gulang, construction worker, painter, at residente ng Barangay Sta. Lucia, Novaliches, Quezon City.
Naaresto ang suspek sa bisa ng Warrant of Arrest na inisyu ni Judge Jennifer Palaguitang Humiding ng Regional Trial Court, First Judicial Region, Branch 63, La Trinidad Benguet sa paglabag ng Section 4 (b) (3) ng R.A. 10175 o ang Cybercrime Prevention Act of 2012 (3 counts) na may mga docket number sa ilalim ng Criminal Case No. 21F-CR-13730, 21F-CR-13731, 21F-CR-13732, 21F-CR-13731, at 21F-CR-13735 noong Agosto 12, 2021 na may piyansang nagkakahalaga ng Php120,000.
Ang nasabing suspek ay kasalukuyang nasa kustodiya ng Carmona Municipal Custodial Facility habang prinoproseso ang pagharap sa korte kung saan inisyu ang kanyang Warrant of Arrest.
Samantala, pinuri naman ni Police Colonel Arnold Abad, Provincial Director ng Cavite Police Provincial Office (PPO) ang mga kapulisan sa matagumpay na operasyon.
Ang Pambansang Pulisya ay patuloy na paigtingin ang kampanya laban sa kriminalidad upang mahuli at managot sa batas ang mga suspek at upang magkaroon ng payapa at tahimik na pamayanan.
###
Panulat ni PCpl Rei Austin R Manahan
