Pormal nang binuksan ang National Police Clearance System (NPCS) at Kiosk sa SM City Cauayan, Isabela nito lamang ika-21 ng Nobyembre, 2024.
Pinangunahan ito ni Police Colonel Lee Allen B. Bauding, Provincial Director ng Isabela Police Provincial Office ang nasabing aktibidad.
Ang proyektong ito ay naglalayong gawing mas mabilis at maginhawa ang proseso ng pagkuha ng police clearance para sa publiko.
Sa kanyang talumpati, ipinahayag ni PCol Bauding ang kanyang suporta sa makabagong inisyatibo ng PNP. Aniya, layunin ng NPCS na bigyan ang bawat mamamayan ng mas mabilis na serbisyo, kasabay ng pagpapalakas ng tiwala sa pamahalaan. “Ito ay bahagi ng ating commitment na maghatid ng mas modernong serbisyo sa ating mga kababayan,” dagdag pa niya.
Ang bagong kiosk ay nagbibigay-daan sa mas madaling aplikasyon at mabilisang pagproseso ng police clearance gamit ang digital na teknolohiya. Sa ganitong paraan, mababawasan ang abala at mahabang pila, na malaking tulong sa mga residente ng Isabela at karatig-lugar.
Malugod itong tinanggap ng publiko, na nagpapakita ng suporta sa PNP para sa kanilang patuloy na inobasyon sa pagbibigay ng serbisyo publiko. Ang proyektong ito ay inaasahang magdudulot ng positibong pagbabago sa sistema ng seguridad at kaayusan ng komunidad.
Source: PNP Isabela
Panulat ni Pat Leinee Lorenzo
