Nagsagawa ng talakayan at pagsasanay ang mga tauhan ng Malolos City Police Station na aktibong nilahukan ng mga miyembro ng Barangay Peace Keeping Action Team ng iba’t ibang barangay sa Malolos City Hall, Bulacan nito lamang Biyernes, ika-22 ng Nobyembre 2024.
Pinangunahan ito ni Police Lieutenant Colonel Rommel Geneblazo, Chief of Police ng naturang istasyon.
Nagbigay kaalaman ang pulisya tungkol sa Republic Act 9165 o “Comprehensive Dangerous Drug Act of 2002” o ang BIDA Program, E.O. 70 NTF ELCAC, law enforcement procedures, handcuffing and arresting techniques at BPOC orientation at BPAT’s duties and function.
Layunin ng aktibidad na palakasin ang aksyon at kooperasyon sa pagkamit ng kaayusan, magkaroon ng sapat na kaalaman upang magampanan ang kanilang mga responsibilidad bilang tagapamayapa ng barangay at magkaroon ng maunlad na pamumuhay ang bawat indibidwal sa hinaharap.
Patunay lamang na ang Pambansang Pulisya ay patuloy sa paghahatid ng serbisyo kontra kriminalidad upang magkaroon ng maayos at maunlad na bansa para sa sambayanang Pilipino tungo sa isang Bagong Pilipinas.
Panulat ni Pat Pearl Crystalynne Javier
