Arestado ang itinuturing na Top 1 Municipal High Value Drug Personality sa buy-bust operation na isinagawa ng Regional Police Drug Enforcement Unit 11 katuwang ang Sta. Maria Municipal Police Station sa Villa Sofia, Tanglad, Sta. Maria noong Nobyembre 22, 2024.
Kinilala ni Police Major Maynard D. Pascual, Chief ng RPDEU 11, ang suspek na si alyas “Arjed,” 43 taong gulang, isang magsasaka at residente ng nasabing barangay.
Narekober mula sa suspek ang tinatayang 4.6 gramo ng hinihinalang shabu, na may Standard Drug Price na Php31,280.
Kasong paglabag sa Republic Act 9165 o ang “Comprehensive Dangerous Drugs Act of 2002” ang kakaharapin ng suspek.
Ang Police Regional Office 11 ay hindi lamang nakatutok sa pagpapababa ng krimen at pagpapanatili ng kaayusan, kundi pati na rin sa pagpapalakas ng kooperasyon sa pagitan ng mga mamamayan at kapulisan. Layunin nito na mapalakas ang ugnayan ng komunidad at kapulisan upang magtulungan sa pagpapanatili ng seguridad at kaayusan sa buong rehiyon.
Panulat ni Patrolwoman Shairra Rose A Aquino
