Tinatayang Php900,000 halaga ng Fully Grown Marijuana Plants ang nadiskubre sa isang communal forest sa Bakun, Benguet nito lamang ika-20 ng Nobyembre 2024.
Ayon kay Police Colonel Joseph P Bayongasan, Provincial Director ng Benguet Police Provincial Office, naging matagumpay ang nasabing marijuana eradication dahil sa pagtutulungan ng mga operatiba sa pangunguna ng Bakun Municipal Police Station katuwang ang Provincial Intelligence Unit at Philippine Drug Enforcement Unit ng Benguet Police Provincial Office at ang Philippine Drug Enforcement Agency-CAR.
Nagresulta ang operasyon sa pagkadiskubre ng 4,500 piraso ng Fully Grown Marijuana Plants sa isang communal forest na may tinatayang lawak na 900 square meters.
Bagamat walang nahuling cultivator, binunot at sinunog ng mga operatiba ang pinagbabawal na tanim sa mismong lugar.
Ang matagumpay na operasyon ay patunay lamang na ang PNP ay kaisa sa pagpapaigting ng kampanya kontra ilegal na droga bilang pagsuporta sa adhikain ng kasalukuyang administrasyon tungo sa isang Bagong Pilipinas.
