Personal na tinanggap ni PRO 2 Regional Director Police Brigadier General Antonio P Marallag Jr, ang SWAT Equipment, Firepower and Mobility Assets na donasyon ng Pamahalaang Lungsod ng Cauayan, Isabela sa pangunguna ni Hon. Caesar S. Dy Jr., City Mayor, sa ginanap na Ceremonial Turnover sa Cauayan Component City Police Station noong Nobyembre 20, 2024.
Ang mga donasyong SWAT equipment ay binubuo ng isang unit ng Nissan Navarra Caliber, 16 pcs Basic Assault Rifle, tatlong yunit ng Honda CRF 150, 30 pcs Tactical Vest, 30 pcs Kevlar Helmet, 60 pirasong bullet proof vest, 64 na pirasong mahabang magazine, 30 piraso ng Tactical Scope, at 5.56 na bala.
Sa kanyang mensahe, ipinaabot ni PBGen Marallag Jr. ang kanyang lubos na pasasalamat sa Pamahalaang Lungsod ng Cauayan sa pamumuno ni Mayor Caesar Dy Jr. sa logistical support na ipinaabot sa mga tauhan ng SWAT ng Cauayan Component City Police Station.
Ang nasabing kagamitan ay makakatulong sa mga tauhan ng Cauayan PNP upang matiyak ang kapayapaan at kaayusan at mapanatiling ligtas ang komunidad ng Cauayan City sa lahat ng oras.
Patuloy ang Police Regional Office 2 sa pakikiisa at pakikipag-ugnayan sa Lokal na Pamahalaan at iba pang Stakeholder sa pagpapanatili ng kaayusan sa nasasakupan tungo sa maayos at maunlad na bagong Pilipinas.
Source: Police Regional Office 2
