Nasakote ng kapulisan ng Dumaguete City ang lalaking may dalang baril at ilang pakete ng hinihinalang shabu sa isinagawang preventive patrolling ng mga awtoridad sa Purok Gumamela, Barangay Bagacay, Dumaguete City, Negros Oriental, noong ika-19 ng Nobyembre 2024.
Kinilala ni Police Lieutenant Colonel Don Richmon T Conag, Acting Chief of Police ng Dumaguete City Police Station, Negros Oriental Police Provincial Office, ang suspek na si “Tomas”, 51 anyos na residente ng Sitio Campahong, Barangay Dawis, Bayawan City, Negros Oriental.
Batay sa ulat ng pulisya, bandang 4:57 ng hapon ng magsagawa ng preventive patrolling ang pulisya na nagresulta sa pagkasakote ng suspek at pagkakumpiska ng dalawang pakete ng hinihinilang shabu na may timbang na 1.6 gramo at may Standard Drug Price na Php10,880, isang .45 caliber at pitong bala.
Mahaharap ang suspek sa kasong kasong paglabag sa Republic Act 9165 o “Comprehensive Dangerous Drugs Act of 2002” at RA 10591 o “Comprehensive Firearms and Ammunition Regulation Act”.
Patunay lamang na patuloy ang pagsuporta ng Dumaguete City PNP sa kampanya ng pamahalaan na labanan ang paglaganap ng ipagbabawal na gamot dahil sa Bagong Pilipinas, ang gusto ng Pulis, ligtas ka!.
Source: Dumaguete CPS SR
