Patuloy na umaarangkada ang Awareness Lecture ng mga tauhan ng Tarlac City Police Station sa mga mag-aaral ng Carangian Elementary School, Barangay Carangian, Tarlac City, Tarlac nito lamang Martes, ika-19 ng Nobyembre 2024.
Matagumpay na naisakatuparan ang aktibidad sa ilalim ng pamamahala ni Police Lieutenant Colonel Sean C Logronio, Chief of Police.
Binigyan ng kaalaman ang mga estudyante patungkol sa Republic Act 11313 na kilala bilang “Bawal Bastos Law” at mga Parusa sa Paglabag sa RA 9165 o “Comprehensive Dangerous Drugs Act of 2002”, upang mas mapalawak ang kanilang kaalaman at maging responsable sa kanilang mga aksyon.
Layunin ng nasabing aktibidad na itaguyod ang kamalayan laban sa ilegal na droga at pagkakaisa upang maiwasan at sa ideal na sitwasyon, mapuksa ang mga kriminal na gawain.
