Arestado ang tinaguriang Rank 5 Provincial Most Wanted Person sa isinagawang manhunt operation ng San Mateo PNP sa Barangay Guitnang Bayan 1, San Mateo, Rizal nito lamang ika-19 ng Nobyembre 2024.
Kinilala ni Police Colonel Felipe B Maraggun, Provincial Director ng Rizal Police Provincial Office, ang suspek na si alyas “Maria”, 35 taong gulang, residente ng Barangay Sta. Ana, San Mateo, Rizal.
Naaresto ang suspek bandang 12:45 ng hapon sa nasabing barangay ng mga tauhan ng San Mateo Municipal Police Station sa bisa ng Warrant of Arrest para sa kasong carnapping na may piyansang aabot sa halagang Php300,000.
Ang Rizal PNP ay magpapatuloy sa pinaigting sa pagtugis sa mga nagkasala sa batas at upang mabigyan ng kapanatagan ang mamamayan sa lalawigan ng Rizal na ang kanilang lalawigan ay isang payapa at ligtas.
Source: Rizal Police Provincial Office
Panulat ni Patrolwoman Angelica Rica S Teng
