Davao Oriental (February 16, 2022) – Arestado ang most wanted na si alyas “Guian” at dalawa pa nitong kasamahan sa isinagawang buy-bust operation ng pinagsamang tauhan ng Philippine Drug Enforcement Agency (PDEA) at Mati City Police Station sa pangunguna ni PLtCol Ernesto Gregore, Chief of Police, sa Purok Nazareno, Brgy. Central, Mati City, Davao Oriental, noong Pebrero 16, 2022.
Kinilala ang target ng operasyon na si Gian Alixes Flores alyas “Guian”, 31 taong gulang, residente ng nasabing lugar at Rank 4 sa Regional Level. Gayundin ang dalawa nitong kasamahan na sina Norwin Ligues alyas “Tonton”, 36 taong gulang, residente ng Interco, Brgy. Matiao, Mati City, na Rank 9 naman sa Regional Level at si Khristoffer Bustillio Alinzon, 41 taong gulang, residente rin ng nasabing lugar.
Nakuha sa mga suspek ang anim (6) na small at anim (6) na medium size plastic sachets ng hinihinalang shabu na may timbang na 10 gramo at may tinatayang halaga na Php150,000 kasama ang marked money na ginamit ng mga awtoridad at mga parapernalya.
Ang mga suspek ay nasa kustodiya na ng Mati CPS para sampahan ng kasong paglabag sa Section 5 at Section 11 ng R.A 9165 o Comprehensive Dangerous Drugs Act of 2002.
####
Panulat ni Patrolman Alfred Vergara RPCADU11
