Nasabat ang tinatayang Php420,240 halaga ng shabu sa naarestong apat na indibidwal sa drug buy-bust operation ng mga operatiba ng Balasan Municipal Police Station sa Purok 2, Barangay Balanti-an, Balasan, nito lamang ika-16 ng Nobyembre 2024.
Kinilala ang mga naarestong suspek na sina alyas “Atong,” 41 anyos, itinuturing na High Value Individual; alyas “Toti,” 27 anyos; alyas “Tata,” 34 anyos; at si alyas “Nene,” 21 anyos.
Nasamsam sa operasyon ang humigit kumulang 61.8 gramo ng hinihinalang shabu na may tinatayang halaga na Php420,240.
Ang mga suspek ay nahaharap sa kasong paglabag sa Republic Act 9165 o ang “Comprehensive Dangerous Drugs Act of 2002”.
Pinuri ni Police Colonel Bayani Razalan, Provincial Director ng Iloilo Police Provincial Office (IPPO), ang matagumpay na operasyon bilang isang malaking hakbang laban sa ilegal na droga sa probinsya.
Ang matagumpay na operasyon ay patunay ng walang humpay na pagsisikap ng PNP upang masugpo ang paglaganap ng ilegal na droga sa kumunidad, tungo sa isang Drug Free Western Visayas.
Source: DYRI RMN Iloilo
Panulat ni Pat Andrea Dominique Depalubos
