Nakumpiska ng Lanao del Norte PNP ang smuggled na sigarilyo sa ginawang checkpoint operation sa Purok 3, Mamagum, Sultan Naga Dimaporo, Lanao del Norte nito lamang Nobyembre 18, 2024.
Ayon Kay Police Brigadier General Jayden De Guzman, Acting Regional Director ng Police Regional Office 10, dahil sa isinagawang checkpoint ng mga tauhan ng 2nd Lanao del Norte Provincial Mobile Force Company, ay nahuli ang isang isang motorsiklo na may side car (payong-payong).
Kinilala ang suspek na si alyas “Boning”, 26, may asawa, at residente ng Purok 6, Mamagum, Sultan Naga Dimaporo, Lanao del Norte.
Nakumpiska ang dalawang sako na naglalaman ng 100 reams ng New Far white cigarettes na may markang 1-EMD-111824 to 2 -EMD-111824 at isang sako ang naglalaman ng 48 ream ng fort white cigarettes na may markang 3-EMD-111824 na nagkakahalaga ng Php118,400.
Ang PRO 10 ay patuloy na magsisilbing tagapagtanggol ng batas upang matiyak ang kaligtasan at kaayusan ng buong komunidad, kabilang na ang masusing pagtugis sa mga smuggled na sigarilyo upang mapigilan ang ilegal na kalakalan at maprotektahan ang kapakanan ng mamamayan.
Panulat ni Pat Rizza C Sajonia
