Pinangunahan ni PNP Chief, Police General Guillermo Lorenzo T. Eleazar ang Retirement Honors at Turn-over of Office ni PMGen Angelito A. Casimiro, outgoing Direcorate for Logistics, na ginanap sa Police Regional Office 2, Camp Marcelo A Adduru, Tuguegarao City, Cagayan ngayong ika-1 ng Oktubre, 2021.
Si PMGen Casimiro ay nanungkulan bilang Director ng Directorate for Logistics ng mahigit isang (1) taon at pitong (7) buwan.
Malugod namang tinanggap ni PBGen Ronaldo E. Olay, ang bagong posisyon bilang bagong Acting Director, Directorate for Logistics.
Bahagi ng seremonya ang pagturn-over ng office symbol, office property, at equipment inventory book kay PBGen Olay na pinangasiwaan ni PNP Chief, PGen Eleazar.
Sa kanyang mensahe, nagpasalamat si PGen Eleazar sa mahigit 37 taong pagbibigay-serbisyo ni PMGen Casimiro ng PMA Class 1988 (Maringal Class).
Pinuri din ng hepe ng pulisya ang ipinamalas ni PMGen Casimiro na dedikasyon sa pagseserbisyo at malaking kontribusyon sa hanay ng Pambansang Pulisya.
Sa bagong Acting DL, kumpiyansa rin si PGEn Eleazar sapagkat naging magaan at maayos ang trabaho ni PBGen Olay sa kanyang dating posisyon na Chief, PIO.
Naging madamdamin naman ang mensahe ni PMGen Casimiro na nagpasasalamat sa kanyang pamilya, mga kaibigan, at mga dating katrabaho kabilang na ang mga kapulisan ng Police Regional Office 2 sa pangunguna Ni PBGen Ludan.
Si PMGen Casimiro ay nakatakdang magretiro kasabay ng kanyang kaarawan sa Oktubre 2.
Samantala, dumalo rin sa naturang seremonya sina USEC Debold M. Sinas, dating Chief, PNP at Upper Class ng retiree; PLtGen Dionardo B. Carlos, TCDS; PLtGen Bernabe M. Balba, TDIPO-Visayas; PLtGen Marni C. Marcos, Jr, TDIPO-NL; PMGen Dennis P. Agustin, TDI; at MGen Laurence E Mina, Commander, 5ID, PA.; PMGEn Domingo R Lucas, 2TDRD; at Mrs. Rosalie “Lally” Eleazar.
####
Article by: Police Corporal Carla Mae P Canapi
