Tuloy-tuloy ang pagsasagawa ng Road Clearing Operation ng mga tauhan ng Aurora 2nd Provincial Mobile Force Company sa Casiguran National Road, Barangay Dibet Casiguran, Aurora nito lamang Lunes, ika-18 ng Nobyembre 2024.
Ang naturang aktibidad ay pinangunahan ni Police Major Rammel Ebarle, Force Commander ng Aurora 2nd Provincial Mobile Force Company, katuwang ang Barangay Officials ng nasabing lugar.
Nagtulong-tulong ang grupo sa paglilinis mula sa mga nabuwal na puno, na nakaharang at nagkalat sa kalsada na nagdulot ng pagsikip sa daloy ng trapiko at maglalagay sa peligro ng mga motorista.
Patuloy na binabantayan ng Aurora PNP ang seguridad at kaligtasan ng mga residente sa kanilang nasasakupan lalo na sa panahon ng kalamidad at pinapaalalahanan ang lahat na maging alerto at sumunod sa alituntunin upang masigurong ligtas sa panahon ng kalamidad.
Panulat ni Pat Digna Jane Tenorio Malubay
