Arestado ang Top 6 Provincial Most Wanted Person matapos ihain ng mga tauhan ng Mati City Police Station ang Warrant of Arrest nito lamang ika-18 ng Nobyembre, 2024 sa Barangay La Uñion, San Isidro, Davao Oriental.
Kinilala ni Police Major Al Anthony I Gumban, Acting Chief of Police ng Mati City Police Station, ang suspek na si alyas “James”, 32 anyos, isang manggagawa at residente ng Purok Cara-2, Barangay Central, Mati City.
Mahaharap ang suspek sa kasong Rape na walang inirekomendang piyansa.
Samantala, ang mga operasyon ng Police Regional Office 11 ay patuloy na isinasagawa upang matiyak na ang lahat ng lumalabag sa batas ay mapanagot at magdusa ng kaukulang parusa. Ang mga hakbang na ito ay hindi lamang nakatuon sa pagpapairal ng batas, kundi pati na rin sa pagpapalakas ng tiwala ng publiko sa mga awtoridad at sa pagpapabuti ng seguridad sa buong rehiyon.
Panulat ni Patrolwoman Shairra Rose A Aquino
