Sa kulungan ang bagsak ng isang Street Level Individual na suspek matapos mahulihan ng ilang pakete ng hinihinalang shabu at maaresto ng kapulisan ng Tuburan sa Barangay Cogon, Tuburan, Cebu, noong ika-17 ng Nobyembre 2024.
Kinilala ni Police Lieutenant Colonel Glenn T Hife, Chief of Police ng Tuburan Police Station, Cebu Police Provincial Office, ang suspek na si “Cedric”, 47 anyos na residente ng naturang lugar.
Bandang 1:30 ng madaling araw ng ikinasa ng kapulisan ang nasabing operasyon na nagresulta sa pagkaaresto ng suspek at pagkasabat ng 10 plastic sachets ng hinihinalang shabu, at buy-bust money.
Ang suspek ay mahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Ang kapulisan ng Tuburan ay patuloy sa pagpapaigting ng kanilang kampanya kontra ilegal na droga. Ito ay alinsunod sa pangunahing prayoridad ng pamahalaan na labanan ang mga sindikato ng droga sa pamamagitan ng pagpigil sa kanilang mga ilegal na aktibidad at pagbuwag sa kanilang mga operasyon.
Source: Tuburan PS
