Nakumpiska ang mahigit Php1 milyong halaga ng hinihinalang shabu mula sa dalawang hindi pa nakikilalang indibidwal na nakasakay sa isang Navara pick-up ng mga tauhan ng Task Force Davao City Sirawan Checkpoint nito lamang ika-16 ng Nobyembre, 2024.
Ayon kay Police Major Sheryl Y. Bautista, Station Commander ng Toril Police Station, habang nagsasagawa ng inspeksyon, napansin ng isang CAFGU Active Auxiliary (CAA) ang sling bag ng isang pasahero.
Nang tingnan ito, natagpuan ang isang pulang plastic na naglalaman ng tatlong transparent sachet ng hinihinalang shabu.
Kaagad pinababa ng mga awtoridad ang mga sakay, ngunit isa sa mga ito ay nakipag-agawan pa sa sling bag dahilan upang ito ay tumilapon kasunod ang mabilis na pagtakas patungong hilaga ng lungsod.
Narekober mula sa insidente ang tinatayang 149.2 gramo ng hinihinalang shabu.
Patuloy na nagsagawa ng hot pursuit operation ang mga tauhan ng Police Regional Office 11, upang masampahan ng kaso ang mga lumabag sa batas at mapanatili ang kaayusan, alinsunod sa kampanya ng Bagong Pilipinas.
Panulat ni Patrolwoman Shairra Rose A Aquino
