Malugod na tinanggap ng Police Regional Office Bangsamoro Autonomous Region ang kusang pagsuko ng 22 dating kasapi ng Bangsamoro Islamic Freedom Fighters (BIFF) mula sa mga grupong Karialan Faction, Bungos Faction, DI Hassan Group, at DI Turaife Group na ginanap sa Camp BGen Salipada K Pendatun, Parang, Maguindanao del Norte noong ika-14 ng Nobyembre 2024.
Ito ay pinangunahan ni Police Lieutenant General Michael John F Dubria, Acting Deputy Chief PNP for Operation, kasama si Police Brigadier General Romeo J Macpaz, Regional Director ng PRO BAR.
Ang mga dating extremistang miyembro ay isinuko din ang kanilang mga armas sa mga kapulisan at pagkatapos ay nangako ng kanilang tapat na pagsuporta sa Republika ng Pilipinas sa isang ginanap na mass surrender ceremony.
Ang hakbang na ito ay bunga ng patuloy na operasyon ng mga awtoridad ng PRO BAR, RIU 15; RID; Maguindanao del Sur PPO na may koordinasyon sa AFP at mga lokal na opisyales sa probinsya ng Maguindanao del Norte.
Pinuri ni PLtGen Dubria, ang mga tauhan ng PRO BAR, PNP Regional Support Units, AFP, mga kasamahan mula sa mga Local Government Units, at iba pang ahensya ng batas sa rehiyon ng Bangsamoro sa matagumpay na pagsuko ng mga dating kasapi ng BIFF at sa kanilang pagtutulungan upang wakasan ang terorismo at lahat ng uri ng kriminalidad sa rehiyon at mga karatig-probinsya.
Panulat ni Patrolwoman Veronica Laggui
