Nakahanda na ang Search and Rescue Team ng Baler Municipal Police Station bilang paghahanda sa posibleng epekto ng Super Typhoon Pepito at nagsagawa ng masusing inspeksyon ng kagamitan nito lamang Sabado, ika-16 ng Nobyembre 2024.
Ang nasabing aktibidad ay pinangunahan ni Police Captain Jonald M Argarin, Deputy Chief of Police sa ilalim ng pamumuno ni Police Major Edgardo L Javar, Chief of Police.
Ang inisyatibang ito ay bahagi ng tuloy-tuloy na pagsisikap na palakasin ang disaster response at suportahan ang komunidad sa panahon ng sakuna.
Layunin ng aktibidad na masiguro ang kahandaan at kakayahan ng SAR Team sa pagtugon sa mga sakuna.
Kasama sa isinagawang inspeksyon ang pagsusuri sa kondisyon ng mga rescue equipment, pagsusuri ng mga protocol sa deployment, at pagpapalakas ng koordinasyon ng bawat miyembro ng grupo upang maiwasan na magkaroon ng casualty kapag naglandfall na ang bagyo.
Patuloy ang Baler PNP sa pagsiguro ng kaligtasan ng bawat mamamayan sa kanilang nasasakupan lalo na sa panahon ng kalamidad.
