Nasabat ang tinatayang Php136,000 halaga ng hinihinalang shabu mula sa Top 5 City High Value Individual sa isinagawang buy-bust operation sa Sta. Ana Avenue, Barangay Kapitan Tomas Monteverde, Davao City nitong ika-17 ng Nobyembre, 2024.
Kinilala ni Police Major Maynard D Pascual, Chief, RPDEU 11, ang suspek na si alyas “Kuya”, 51 anyos at residente ng Barangay Lucod, Baganga, Davao Oriental.
Ang suspek ay naaresto sa pangunguna ng RPDEU 11 katuwang ang Sta. Ana Police Station at sa koordinasyon sa PDEA.
Narekober naman mula sa suspek ang tinatayang 20 na gramo ng hinihinalang shabu at nahaharap sa kasong paglabag sa Republic Act 9165 o ang “Comprehensive Dangerous Drugs Act of 2002.
Ang Police Regional Office 11 ay hindi lamang nakatutok sa mga tradisyonal na layunin ng pagpapababa ng krimen at pagpapanatili ng kaayusan, kundi pati na rin sa pagpapalawak ng kooperasyon at pagtutulungan sa pagitan ng mga mamamayan at kapulisan.
Ang layuning ito ay nakatuon sa pagpapalakas ng ugnayan sa komunidad, kung saan ang kapulisan at ang mga tao ay nagtutulungan upang mapanatili ang seguridad at kaayusan.
Panulat ni Patrolwoman Shairra Rose A Aquino
