Camp Crame, Quezon City (February 16, 2022)- Pinuri ni Philippine National Police Chief, Police General Dionardo Carlos ang mga kapulisan sa Police Regional Office 6 sa matagumpay nitong pagpapatupad sa Simultaneous Anti-Criminality Law Enforcement Operation (SACLEO) sa loob ng isang Linggo mula February 5 hanggang 12 taong kasalukuyan.
Ayon sa Operational Accomplishment Report na isinumite ni Police Brigadier General Flynn Dongbo, Regional Director, PRO6, ang mga operatiba nito ay nakahuli ng kabuuang 299 law offenders: 90 nito ang wanted persons, 27 ang drug suspects, 139 naman ang mga sangkot sa illegal gambling, 35 sa illegal fishing, samantala pito (7) naman sa loose firearms.
Ayon pa kay PGen Carlos, matagumpay ding ipinatupad ng PRO6 Drug Enforcement Units ang iba’t ibang Search Warrant sa paglabag sa RA 9165 o ang Comprehensive Dangerous Drugs Act of 2002 na umabot sa 25 anti-drug operations na nagresulta sa pagkasabat sa higit 753.012 gramo ng shabu na may kabuuang Standard Drug Price na Php5,120,616.
Samantala, apat (4) namang miyembro ng Communist Terrorist Group (CTG) ang nagbalik-loob sa gobyerno at naka-avail sa Enhanced Comprehensive Local Integration Program (E-CLIP) ng pamahalaan.
“With these scored accomplishments, it only exemplifies your hard work and commitment to further intensify our strategies on our campaign against criminality, illegal drugs, corruption, and insurgency in the country”, sabi pa ni PGen Carlos.
At tiniyak pa niya na sa pamamagitan ng pagtutulungan ng kapulisan at mga stakeholders magiging mas matagumpay pa ang mga kampanya ng PNP laban sa lahat ng uri ng kriminalidad at sa pagpapanatili ng kapayapaan sa bansa.
###
Panulat ni Patrolman Kher D Bargamento
