Balamban, Cebu (February 16, 2022) – Naaresto ang isa sa mga wanted person sa isinagawang manhunt operation ng mga operatiba ng Balamban Municipal Police Station sa Brgy. Duangan, Balamban, Cebu, 4:30 ng hapon ng Pebrero 16, 2022.
Ang nasabing operasyon ay pinangunahan ni PSMS Godofredo Dumdum, Chief, Intelligence Section, na direktang pinangasiwaan ni PMaj Reyco R Romaguera, Acting Chief of Police.
Nagresulta ang isinagawang operasyon sa matagumpay na pagkahuli kay Edwin Gabisan Quintinita, 41 taong gulang, kasal, at residente ng nabanggit na lugar, sa bisa ng Warrant of Arrest.
Si Quintinita ay nahaharap sa kasong paglabag sa kasong RA 9262 o ang Anti-Violence against Women and their Children Act of 2004 na may inirekomendang piyansa na Php72,000.
Ang nasabing akusado ay nasa kostudiya na ng mga awtoridad para sa tamang disposisyon sa naturang kaso.
Patuloy na paiigtingin ng Pambansang Pulisya ang pagtugis sa mga taong pinaniniwalaang nakagawa ng krimen upang mapanagot sila sa kanilang pagkakasala.
###
Panulat ni Pat. Edmersan Llapitan
