Arestado ng pulisya ang Top 5 Most Wanted Person sa Provincial Level sa kasong Acts of Lasciviousness sa Pudtol, Apayao nito lamang ika-14 ng Nobyembre, 2024.
Ayon kay Police Colonel Arnold D Razote, Provincial Director ng Apayao Police Provincial Office, matagumpay ang operasyon dahil sa pagtutulungan ng mga operatiba na pinangunahan ng Pudtol Municipal Police Station katuwang ang Provincial Intelligence Unit, Regional Intelligence Unit 14, Regional Mobile Force Company 15 ng 150th Maneuver Company, 1st Apayao Mobile Force Company, Regional Intelligence Division-Cordillera, Criminal Investigation and Detection Group Apayao, Provincial Investigation and Detective Management Unit Apayao.
Arestado ang suspek sa bisa ng Warrant of Arrest sa kasong Acts of Lasciviousness sa ilalim ng Article 336 ng RPC Section 5(B) ng Republic Act 7610 na may piyansa na Php108,000.
Ang matagumpay na pag-aresto ng mga may sala sa batas ay patunay lamang na patuloy ang Pambansang Pulisya sa pagpapatupad ng sinumpaang tungkulin bilang pagsuporta sa Whole-of-the-Nation Approach ng kasalukuyang administrasyon upang makamit at mapanatili ang kapayapaan at kaayusan ng bansa.
