Matagumpay na naisagawa ang 4th Quarter National Simultaneous Earthquake Drill 2024 sa Camp BGen Eduardo B Batalla, Zamboanga City nito lamang Huwebes, Nobyembre 14, 2024.
Pinangunahan ni Police Colonel Diomarie S Albarico, Chief, Regional Police Community Affairs and Development Unit 9, ang nasabing aktibidad katuwang ang Zamboanga City Disaster Risk Reduction Management Office at ng Bureau of Fire Protection Zamboanga District.
Layunin ng nasabing aktibidad na maging handa at magsanay ang mga tao sa tamang pag-aksyon at mga hakbang na dapat gawin bago, habang, at pagkatapos ng lindol.
Ang mga drills na ito ay mahalaga upang mabawasan ang panganib at epekto ng lindol sa pamamagitan ng tamang kaalaman, kahandaan, at mabilis na reaksyon.
Ang PNP katuwang ang mga ahensya ng pamahalaan ay kaisa sa paghahatid ng serbisyo, magbibigay ng tamang impormasyon para sa umaangat na bansa tungo sa pagbabago para makamit ang maunlad na Bagong Pilipinas
Panulat ni Patrolwoman Joyce M Franco
