Tinatayang Php340,000 halaga ng ilegal na droga ang nasamsam sa dalawang indibidwal sa ikinasang buy-bust operation ng mga otoridad nito lamang ika-14 ng Nobyembre 2024 sa Barangay Bayabas, Cagayan de Oro City.
Kinilala ni Police Lieutenant Colonel Ramon Christian S Laygo, Hepe ng Regional Police Drug Enforcement Unit 10, ang dalawang drug suspek na sina alyas “Abraham”, 38 na taong gulang at si alyas “John”, 47 na taong gulang na parehas na residente ng nasabing lugar.
Sa operasyon ng mga tauhan ng Regional Police Drug Enforcement Unit 10 katuwang ang CDO Police Station 4 Drug Enforcement Unit; Regional Intelligence Division 10; Regional Intelligence Unit 10 at PNP Drug Enforcement Group 10 ay nakumpiska ang anim na pakete ng hinihinalang shabu na may timbang na nasa 50 na gramo na may street value na Php340,000; isang pakete ng marijuana; isang sling bag; motorsiklo at Php1,000 bill na ginamit bilang buy-bust money.
Nahaharap ang suspek sa kasong paglabag sa Section 5 at 11 ng Article II ng Republic Act 9165 o “Comprehensive Dangerous Drugs Act of 2002”.
Pinuri naman ni Police Brigadier General Jaysen C De Guzman, Acting Regional Director ng Police Regional Office 10, ang operating unit para sa matagumpay na operasyon, “I want to assure the public that our commitment to a drug-free community remains unwavering. PRO 10 will relentlessly pursue individuals involved in illegal drugs, especially those who continue to endanger our communities.”
