Nasabat ang tinatayang Php136,000 halaga ng hinihinalang shabu mula sa isang High Value Individual sa isinagawang buy-bust operation sa Purok Galingan, Barangay Mankilam, Tagum City nito lamang Nobyembre 14, 2024.
Kinilala ni Police Major Maynard D Pascual, Chief, Regional Police Drug Enforcement Unit 11, ang suspek na si alyas “Payat”, 30 anyos at residente ng Purok Cabanisas, Barangay Mankilam, Tagum City.
Ang suspek ay naaresto sa pangunguna ng RPDEU 11 katuwang ang mga tauhan ng Tagum City Police Station, 1st Davao Norte Provincial Mobile Force Company, 1102nd RMFB 11 at sa koordinasyon sa PDEA.
Narekober naman mula sa suspek ang tinatayang 20 na gramo ng hinihinalang shabu at nahaharap sa kasong paglabag sa Republic Act 9165 o “Comprehensive Dangerous Drugs Act of 2002”.
Sa pamamagitan ng mga hakbang na ito ipinapakita ng Police Regional Office 11 ang matinding dedikasyon sa pagpapalakas ng seguridad at kaayusan sa kanilang nasasakupan.
Panulat ni Patrolwoman Shairra Rose A Aquino
