Nakumpiska ng mga awtoridad ang Php7.1 milyon halaga ng hinihinalang shabu mula sa isang ex-convict na High Value Individual sa isinagawang buy-bust operation ng kapulisan sa Purok 2, Barangay San Vicente, Liloan, Cebu, noong ika-11 ng Nobyembre 2024.
Ayon kay Police Lieutenant Colonel Antonio G Ananayo, Chief ng Provincial Intelligence Unit / Provincial Drug Enforcement Unit, Cebu Police Provincial Office, bandang 10:30 ng gabi ng ikinasa ng kapulisan ang buy-bust operation na nagresulta sa pagkaaresto ng High Value Individual na suspek na si “Neil”, 44 anyos, residente ng Barangay Pulpogan, Consolacion, Cebu.
Nakumpiska mula sa ex-convict na suspek ang 11 plastic packs ng hinihinalang shabu na may timbang na 1,050 gramo at may Standard Drug Price na Php7,140,000, buy-bust money, at blue back pack.
Mahaharap ang suspek sa kasong paglabag sa Republic Act 9165 o “Comprehensive Dangerous Drugs Act of 2002”.
Ang matagumpay na operasyon ay bunga ng pinagsanib-pwersa ng mga kapulisan ng PIU/PDEU, CPPO, Liloan MPS, at PDEA RO7.
Patunay lamang na patuloy ang pagsuporta ng Cebu PNP sa kampanya ng pamahalaan na labanan ang paglaganap ng ipagbabawal na gamot dahil sa Bagong Pilipinas, ang gusto ng Pulis, ligtas ka!.
Source: PIU/PDEU CPPO
