Arestado ang tinaguriang isang Provincial Most Wanted Person sa isinagawang manhunt operation ng San Pascual PNP sa Barangay Pook, Banal, San Pascual, Batangas nito lamang ika-11 ng Nobyembre 2024.
Kinilala ng mga awtoridad ang suspek na si alyas “Ereneo”, 49 taong gulang, residente ng Barangay Pook, Banal, San Pascual, Batangas.
Naaresto ang suspek bandang 5:20 ng hapon ng mga tauhan ng San Pascual Municipal Police Station sa bisa ng Warrant of Arrest para sa kasong panggagahasa na walang piyansa.
Ang kapulisan ng Batangas ay may mahalagang tungkulin sa pagpapanatili ng kapayapaan at kaayusan sa komunidad. Sa kanilang pag-aresto sa mga lumalabag sa batas, nababawasan ang krimen at nagiging ligtas ang lipunan. Nakakatulong din ito sa pagbibigay ng hustisya sa mga biktima at pagpapakita ng malasakit sa kapakanan ng nakararami.
Source: San Pascual PNP
Panulat ni Patrolwoman Angelica Rica S Teng
