Nasabat ang tinatayang Php238,000 halaga ng hinihinalang shabu mula sa Top 8 Regional Level Drug Personality nito lamang Nobyembre 11, 2024 sa Purok 20 Keith Williams, Barangay Catalunan Pequeño, Davao City.
Kinilala ni Police Major Harold S Untalan, Acting Station Commander ng Baliok Police Station, ang suspek na si alyas “Chief”, 28 anyos at residente ng Phase 1, Gumamela St., Punad Village, Barangay Aliongto, Davao City.
Ang suspek ay naaresto na isinagawang buy-bust operation ng Baliok Police Station katuwang ang 2nd CMFC at sa koordinasyon sa PDEA at narekober mula sa suspek ang humigit kumulang 35 na gramo ng hinihinalang shabu.
Mahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Samantala, ang PNP ay patuloy na nagsagawa ng mga hakbang upang labanan ang ilegal na droga sa bansa, na may malawak na epekto sa kaligtasan, kalusugan, at kaayusan ng buong lipunan.
Panulat ni Patrolwoman Shairra Rose A Aquino
