Nagsagawa ng Symposium ang mga tauhan ng 2nd Provincial Mobile Force Company para sa mga residente ng Barangay Lual, Casiguran, Aurora nito lamang Linggo, ika-10 ng Nobyembre 2024.
Ang aktibidad ay inisyatibo ng nasabing yunit sa ilalim ng pamumuno ni Police Major Rammel L. Ebarle, Officer-In-Charge, Force Commander, katuwang ang mga opisyal ng nasabing barangay.
Nagbigay kaalaman ang yunit patungkol sa stress management, kampanya laban sa iligal na droga, at ibang mga kaugnay na batas. Kasama rin sa talakayan ang Republic Act No. 11313 na tumutukoy sa gender-based sexual harassment, at RA 10627 o ang Anti-Bullying Act of 2013.
Bukod dito, itinaguyod din ang Community Anti-Terrorism Awareness na naaayon sa Executive Order No. 70 ng National Task Force to End Local Communist Armed Conflict (NTF-ELCAC).
Ito ay nagpapakita ng dedikasyon na lumikha ng mas ligtas na kapaligiran, na hindi lamang nagturo sa mga residente ng mahahalagang isyu, kundi nagpatibay din ng ugnayan sa pagitan ng pulisya at komunidad para sa isang payapang komunidad tungo sa isang Bagong Pilipinas.
Panulat ni Pat Lixen Reyz A Saweran
