Nasabat ang tinatayang Php5,780,000 halaga ng shabu sa dalawang arestadong High Value Individual sa isinagawang operasyon ng mga otoridad sa Vicente Chiong, Martha Drive Barangay Sta. Barbara, Zamboanga City nito lamang ika-10 ng Nobyembre 2024.
Kinilala ni Police Lieutenant Colonel Elmer P. Solon, Chief, Regional Drug Enforcement Unit, ang suspek na sina alyas “Nas” (HVI), 63 anyos, lalaki, residente ng Sta. Barbara, Zamboanga City at alyas “Fras/Utoh”, HVI, 44 years old, lalaki at residente ng Paniran Barangay Zone IV, Zamboanga City.
Ikinasa ang buy-bust operation ng Regional Drug Enforcement Unit 9, NISG-WM, CIU-ZCPO, PSB-Sta Catalina-PS11, na nagresulta sa pagkakaaresto sa mga suspek at pagkakakumpiska ng 17 heat-sealed transparent plastic packs na pinaghihinalaang shabu na may timbang na humigit kumulang 850 gramo at tinatayang nagkakahalaga ng Php5,780,000, isang pirasong Php1,000 bilang marked money at iba pang non-drug evidence.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang mga suspek.
Patuloy ang PNP sa pagpapaigting ng kampanya kontra ilegal na droga upang masiguro ang kaligtasan ng bawat mamamayan.
Panulat ni Patrolwoman Joyce Franco
