Nasamsam ng pulisya ang 52 master case ng smuggled na sigarilyo na may label na Victor Agila American Blend sa isang residential area sa Barangay Bantulan, Taytay, Palawan, bandang alas-11:00 ng umaga nito lamang ika-8 ng Nobyembre 2024.
Ang mga nakumpiskang sigarilyo na nakaimpake sa itim na laminated sacks, ay naglalaman ng 50 reams bawat master case at tinatayang nasa Php754,000 ang kabuuang halaga. Pinaniniwalaang nagmula ang mga sigarilyo sa Pangutaran Island at ilegal na dinala sa lugar.
Nakaiwas sa pagkakaaresto ang suspek na kinilalang si alyas “Gilbert”. Ngunit plano ng Taytay Municipal Police Station (MPS) na kasuhan siya dahil sa paglabag sa Republic Act 10643 o ang Graphic Health Warning Law, na nag-uutos ng wastong babala sa kalusugan sa mga produktong tabako.
Ang operasyon ay bahagi ng pinaigting na kampanya ng Taytay MPS laban sa smuggling ng sigarilyo sa rehiyon upang protektahan ang lokal na merkado at matiyak ang pagsunod sa mga batas sa mga babala sa kalusugan para sa mga produktong tabako.
Source: Palawan News
Panulat ni Patrolwoman Ana Rose D Guadaña
