Nagsagawa ng inspeksyon si Acting Regional Director ng PRO 2, Police Brigadier General Antonio Pacis Marallag Jr, sa Provincial Command Center (PCC) ng Cagayan Police Provincial Office para sa real-time update sa epekto ng Bagyong Marce sa lalawigan ng Cagayan noong ika-7 ng Nobyembre 2024.
Sinuri ni PBGen Marallag Jr ang kasalukuyang sitwasyon partikular sa deployment ng mga tauhan at mapagkukunan, at pagtiyak na ang Cagayano Cops ay may kakayahang tumugon sa anumang mga pangyayari.
Gayundin, si Acting Regional Director ay binigyan din ng briefing tungkol sa trajectory ng bagyo, ang status ng mga evacuations, at ang kahandaan ng lahat ng local police units.
Sa kabilang banda, inatasan ni PBGen Marallag ang lahat ng unit commander na manatiling mapagmatyag at makipagtulungan sa mga LGU at iba pang ahensya para sa kaligtasan ng mga mamamayan ng Cagayan.
Source: Police Regional Office 2
