Nakiisa ang mga tauhan ng Aurora 2nd Provincial Mobile Force Company sa isinagawang bloodletting activity na isinagawa ng Casiguran Health Unit at Birthing Clinic Building Teepecuy sa Barangay Calangcuasan, Casiguran, Aurora.
Kabilang sa mga nag-donate ng dugo ay ang mga tauhan ng Aurora 2nd Provincial Mobile Force Company sa pangunguna ni Police Major Rammel L Ebarle, Officer-In-Charge.
Ang nasabing aktibidad ay naglalayong makatulong upang matiyak na ang mga stock ng dugo ay nananatiling sapat para sa mamamayan ng Aurora.
Isang patunay na ang PNP ay handang tumulong at maglingkod sa ating mga kababayan hindi lamang sa tamang pagtupad ng kanilang tungkulin kundi pati na rin sa pamamagitan ng pagdo-donate ng dugo upang makapagsalba ng buhay ng ibang tao.
Panulat ni Pat Janice M Bulahao
