Matapos ang ilang linggong surveillance at koordinasyon, natunton ng Dagupan City PNP ang kinaroroonan ng isa sa mga itinuturing na Top 6 Most Wanted Person sa kanilang lungsod nito lamang Miyerkules, ika-6 ng Nobyembre 2024 sa Barangay Poblacion Oeste, Dagupan City, Pangasinan.
Kinilala ni Police Lieutenant Colonel Brendon B Palisoc, hepe ng Dagupan City PNP, ang suspek na si alyas “Omar,” 46 taong gulang, at residente ng Barangay Pantal, Dagupan City, Pangasinan.
Ayon kay PltCol Palisoc, dakong alas 11:41 ng umaga nang isagawa ang operasyon laban sa suspek sa bisa ng Warrant of Arrest na inisyu laban sa kanya, para sa kasong Frustrated Murder na may piyansang nagkakahalaga ng Php200,000.
Ang pagkakadakip kay Omar ay bahagi ng mas pinaigting na kampanya ng Dagupan City PNP laban sa mga kriminal na patuloy na nagtatago sa batas, upang mapanatili ang kaayusan at ligtas na pamayanan.
Source: Dagupan City Police Station
Panulat ni PSSg Johndel L Supremo
