Arestado ang dalawang Regional Most Wanted Person sa pinaigting na manhunt operation ng Rizal PNP sa lalawigan ng Rizal nito lamang ika-31 ng Oktubre 2024.
Kinilala ni Police Colonel Felipe B Marragun, Provincial Director ng Rizal Police Provincial Office, ang mga suspek na sina alyas “Gil”, 22 taong gulang, residente ng Antipolo City, Rizal at “Dave”, 34 taong gulang, residente ng Barangay San Juan, Taytay, Rizal.
Naaresto si alyas “Gil” bandang 4:00 ng hapon ng mga tauhan ng Antipolo Component City Police Station sa bisa ng Warrant of Arrest para sa kasong Statutory Rape na walang piyansa.
Samantala, si alyas “Dave” naman ay naaresto bandang 9:00 ng umaga ng mga tauhan ng Taytay Municipal Police Station katuwang ang mga tauhan ng Rizal Provincial Intelligence Team at Paranaque City Police Station sa bisa ng Warrant of Arrest para sa kasong pagpatay na walang piyansa.
Ang kapulisan ay pangunahing ahensyang tumutugon sa pagsugpo ng mga nagkasala sa batas.
Ang mahigpit na pagpapatupad ng batas ay nagbibigay ng proteksyon at katarungan para sa lipunan, pinipigilan ang krimen at katiwalian.
Source: Rizal Police Provincial Office
Panulat ni Patrolwoman Angelica Rica S Teng
