Itinalaga ang kabuuang 1,081 tauhan ng Police Regional Office 13 sa patuloy na pagsulong ng Ligtas Undas 2024 sa buong rehiyon ng Caraga nito lamang Nobyembre 1, 2024.
Ayon kay Police Brigadier General Alan M Nazarro, Regional Director ng Police Regional Office 13, sisiguraduhin ang seguridad at kaligtasan ng 201 sementeryo, memorial park, simbahan, terminal, daungan, pampublikong lugar, at iba pang lugar sa buong rehiyon.
Mahigpit na ipinapatupad ang paghihigpit sa pagdadala ng mga pinagbabawal na gamit sa loob ng sementeryo at ang pagiging alerto ng mga PNP personnel na nakalataga sa Assistance desk para sa anumang insidente na maaring mangyari sa loob ng sementeryo.
Ang Police Regional Office 13 ay mayroong 750 tauhan mula sa augmented units at 778 volunteer members mula sa advisory support groups (ASG) bilang force multipliers.
Layunin nitong tiyakin ang seguridad at kaligtasan sa lahat ng bumibisita para mapanatili ang isang ligtas, tahimik at maayos na Undas 2024.
“With this, I implore for the continuous cooperation of the public like extending their extra patience to our police checkpoints so that we will all have an orderly observance of the upcoming All Saints’ Day and All Souls’ Day,” ani RD Nazarro.
Panulat ni Patrolwoman Karen Mallilin
