Nananatiling alerto ang status ng mga miyembro ng Iligan City Police Office sa paggunita ng Undas 2024 sa Dalipuga at Lishai Public Cemetery nito lamang Nobyembre 2, 2024.
Ayon kay Police Captain Reagan Adap, Station Commander ng Iligan City Police Station 2, bagamat walang namo-monitor na banta, patuloy pa rin sa pagpapatrolya upang magbantay at nakahandang umalalay sa publiko sa panahon ng emergency.
Hinikayat rin ang lahat ng mga dadalaw na sundin ang mga babala at iwasan ang pagdala ng matulis na bagay at iba pa.
Katuwang ng kapulisan ang Task Force Iligan, BFP Iligan, CDRRMO, DPWH, Barangay Peace Keeping Action Team, Force Multipliers, sa patuloy na pagbibigay ng impormasyon at gabay sa publiko.
Layon ng pagbabantay ng Iligan City PNP na tiyakin ang kaligtasan ng mga bibisita sa sementeryo at mapanatili ang kaayusan at masiguro ang maayos na daloy ng trapiko sa mga lugar malapit sa mga sementeryo.
